السلام عليكم و رحمه الله و بركاته
النهاردة هاعملكوا أكلة تحفة
المطعم الوحيد اللى بيقدمها مطعم حلقة السمك وأنا كنت دائما باكلها هناك بس كنت بادفع فلوس كتيييييييييييييير وفضلت أكلها هناك لحد ما قدرت أتوصل لطريقة طبخها فعملتها وفعلا طلعت زيها بالظبط بس اللى مش بيحب الأكل السبايسى مش هاتعجبه لأنها سبايسى قوى.....
المقادير:
1/2 ك كلمارى منظف ومقطع شرائح رفيعة
10 فصوص ثوم
5 ملاعق كبيرة بسلة
بصلة كبيرة مقطعة شرائح
فلفل أخضر أو أحمر حريف مقطع
صوص الفلفل الحار ( chili sauce ) هاينز
زيت
ملح و كمون وشطة + عصير ليمونة
دقيق
بيضة
الطريقة:
نخلط 5 فصوص ثوم مدقوق+ملح +كمون+ شطة + عصير ليمونة ونتبل الكلمارى لمدة لا تقل عن ساعة بعد ذلك نصفيه فى مصفى سلك من المياة التى تكونت نتيجة تمليحه ثم نضع عليه البيضة ثم نضعه فى الدقيق ثم نحمره
فى أثناء ذلك نقدح حوالى 3 ملاعق زيت ونضع ( البصل + 5 فصوص ثوم مقطع + الفلفل الحريف + البسلة ) ونشوحهم على نار عاليه لمدة 5دقائق ثم نضع صوص الفلفل ( الزجاجة كلها ) أول ما يبدء الغليان نطفى فورا ثم نضع الكلمارى المحمر ونقلبه ونضعه بطبق التقديم مع رشه بقدونس فوق وشه ويقدم مع أرز أبيض و بالهنا والشفا